AMAGÜESTU

Mayen los rapaces

la rica manzana

que ye una delicia

tomala del duernu

recién mayada.

Tuesten les castañes

nel furnicu,

mientres vueltes y vueltes

yos da el tío Perico.

Esperen les mocines

pa manducales,

pues bien caletines

con un vasín de sidra

faen les delicies

hasta de los ánxeles.

Encomencipia la folixa

y prepáranse los mozos

pa´l xiringüelu bailar,

pero siendo payares

fay un fríu pa arrugase;

por eso calienten les manes

coles castañes asaes

pa coje-yles a la mociquina

y la danza encomencipiar .

Riegen el gargüelu

pa la nueche endulzar

mientres siguen

mayando nel llagar.

Dancen y dancen

al son de la gaita

mientres nel furnicu

restallen les castañes.

A los rapaces, los mofletes

ponense-yos colloraos,

mientres a les mociquines

hínchase-yos la panza,

pos ya yos fae efeutu

la sidrina y les castañes.

Autora: Luisa Lestón Celorio

Registrado – REGALADO A LA RESPONSABLE DE LA PÁGINA

- A MI ME GUSTA LA COCINA Y A TI?