AFOGOSE-Y EL PITU
al tíu Pepón
por pegase un buen atracón
de quesu d´Afuega´l pitu
que nel mercau de Pravia
la su Maruxa compró.
Dixo-y la muyer:
¡Si nun fueras tan fartón
nun te empapizarías
y aforraríasme date esti sotripón!.
Rascó la tiesta muy amurríu
el noblón de Pepón
pues tenía la su muyer
muncha razón.
¡Pero, cago´n mi manto!
Cuando tengo delantre
esi quesín tan prestosu,
bien con pimentón,
a la sidra o muy blanquín,
o el de´l Rey Silo
tan sabrosín,
comencípianme los güeyinos
a faceme chibiritas,
las papilas saliba,
el estómagu un ruidín,
y la mente a grítame:
¡cómeme, cómeme, que soy pa ti!
¡Hay muyer mía!
Gracies te doy
por dame esi sacudión
pa desempapizame el gargüelu
pero no me pidas
que ante esti manxar
nun pierda la razón.
Autora: Luisa Lestón Celorio
Registrado – REGALADO A LA RESPONSABLE DE LA PÁGINA
- A MI ME GUSTA LA COCINA Y A TÍ?
No hay comentarios:
Publicar un comentario